Wednesday, February 25, 2015

Juego de Peligro : The Story of Betrayal, Lust, Seduction, and Greed

Juego de Peligro isang kwentong sumasalalim sa kasalukuyang panahon ngunit nangyari na sa nakaraang siglo.
Señora Margarita and Señor Vicente

Sinu nga ba ang di nakakaalam ng nobelang Noli me tangere (Latin for Touch Me Not) at ng El Filibusterismo (The Reign of Greed) kung saan tinatalakay kung gaano kasama ang mga Kastila sa mga Pilipino ngunit subalit alam ninyo ba na may isang kwento na masasabi kung maari nangyari na sa iyo o ginagawa mo ng di mo namamalayan sapagkat mas binibigyan mo ng pansin ang iyong puso kaysa sa iyong isipan.

Anu nga ba ang kwento ng Juego de Peligro?

Ang Juego de Peligro ay isang konrobersyal na nobela na sinulat ni Choderlos de Laclos na may pamagat na Les Liaisons Dangereuses at kung saan nilapatan naman ito ng kakaibang buhay at twist para sa atin ng isang magaling na manunulat na si Elmer Gatchalian.

Shamaine Centenera-Buencamino bilang si Senyora Margarita
Ang kwentong Juego de Peligro ay isang mapangahas na kwento mula sa mundo ng pag-ibig, pagtataksil, tukso at siba. Kwento na lahat tayo ay maari naging parte ng kanilang mga karakter sa entablado. Simulan natin sa mga pangunahing tauhan na si Senyora Margarita. Shamaine Centenera-Buencamino bilang si Senyora Margarita ay isang elista, maganda, palakaibigan, cariñosa ngunit may tinatagong lihim, isang lihim na maari niyang ikasira ng kanyang pagkatao na nagawa lamang niya iyon dahil sa pag-ibig, isang pag-ibig na sumira sa kanyang pagkatao sa simula pa lamang.

Arnold Reyes bilang Señor Vicente

Arnold Reyes bilang Señor Vicente isang negosyanteng mautak, mabulaklak, tukso at higit sa lahat maabilidad. Isang karakter anino'y kayang gawin ang lahat makuha lamang ang kanyang nais ngunit subalit hindi lahat ng kanyang nais ay kanyang nakukuha. Katulad na lamang ng pag-ibig... Ang pag-ibig na siyang nagsimula ng lahat mula sa pagkakaroon niya ng isang relasyon kay Senyora Margarita na kung saan ay di niya nakuha muli ang init ng pagmamahal na kanyang inaasahan pero dumating sa punto kung saan nabighani siya sa isang binibini na kanyang paglalaruan. Oo isang paglalaruan na animo'y isang bagay na nakuha na lamang basta-basta. Kaya wag na wag mong basta-basta na lamang pinaglalaruan ang pag-ibig dahil pagtinamaan ka nito siguradong sapol ka.

LJ Reyes bilang Senyora Teresa
LJ Reyes bilang Senyora Teresa, isang babaeng paglalalruan, paiikutin na parang tropa sa palad nina Senyora Margarita at Señor Vicente, Isang kawawang babae na kahit anung pilit niyang pagtatago at di pag bigyan ng pansin sa kanyang damdamin ay kusang itong lalabas para ibigin si Señor Vicente ngunit sa bandang huli siya lang pala ang tunay na nagmamahal.

Andrienne Vergara bilang Cecilia
Andrienne Vergara bilang Cecilia, isang inosenteng babae, birhen, mahinhin ngunit madaling mauto sa mga bagay-bagay kaya naman naibigay niya ang kanyang Bataan sa ibang lalaki hindi sa kanyang mahal. Alam naman natin noong panahon na iyon ay isang malaking kasalanan na hindi ba?

Racquel Pareño bilang Señora Violeta
Racquel Pareño bilang Señora Violeta, ang mapagmahal na ina ni Cecilia at kumare ni Senyora Margarita, gagawin ang lahat maging masaya lamang ang kanyang anak kahit na sa una ang tutol siya sa kasintahan ng kanyang anak.


Mga rason kung bakit kailangan panoorin ang Juego de Peligro ng Tanghalang Pilipino.

May mga bagay taong masarap balikan lalo na kung ang bagay na yun ay isang damdamin na gustong-gusto mo ika nga nila kung maibabalik ko lamang ang nakalipas ay tiyak magigi masaya ako.

Sa akin palagay kung bakit nga ba dapat paanoorin ang mapangahas na dulaang ito ang simple lang, una maraming kwento na kahit saan mo tignan na angulo ay maaari mong makita ang sarili mo, di dahil puro pag-ibig lamang ang tema ng palabas kundi dahil lahat ng tauhan ay may kanya-kanyang mga personalidad na kung saan ginagawa mo din minsan sa iyong buhay.

Ikalawa Tanghalang Pilipino ito eh kaya naman alam mo na ang bawat pagnood mo ng mga palabas ay may matutunan ka, hindi ko ito sinasabi dahil kakilala ko ang ilan sa mga aktor nito ngunit subalit alam mong may alam at sakto ang tema nito sa nangyayari sa atin bayan.

Ikatlo binuhay nila muli ang isang awitin na matagal ng nawala sa serkulasyon, isang awitin na La Flor de Manila o mas kilala ng marami bilang Sampaguita na orihinal na sinulat ni Dolores Paterno y Ignacio sa Espanyol pero mas binigyan ng buhay na tagalog version ng ating National Artist na si Levi Celerio.

Ang mapangahas na eksena nina Cecilia at Senyor Vicente
Ikaapat ang entablo, ramdam mo na dinala ka talaga sa panahon ng Espanyol dahil sa mga bintanilya at tamang komposisyon ng ilaw nito.

Ikalima ang  mahusay na pagsasalin ng Les Liaisons Dangereuse sa Pilipino na talaga naman ng bigay ng karakter kung napanood mo ang movie version nito naku naging malayo ang agwat marahil dahil na rin ibinagay ito sa konsepto ng panahon ng Kastila sa Intramuros.

Ikaanim "Ang Pagbibinyag", hindi ko alam kung natutuwa ako o maiinis sa kanyang akting skill na ipinakita sa Juego de Peligro ngunit subalit sa ACT 2 naman ay bumawi siya ng husto na siya naman aking ikinasiya, alam ko bilang isang bagong salta sa entablado ay marami pang kakaining bigas pero kahit papaano ay nabigyan naman niya ng hustiya ang pagganap niya bilang Senyora Teresa.

At ang huli dahilan ay kapanapanabik na eksena ni Senyora Margarita sa isang piging, isang piging na animo'y masaya ngunit isa palang bangungot na sisira sa pagkatao ni Senyora Margarita. Isa to sa eksena na wag na wag mong papalagpasin sapagkat dito mo mararamdaman kung sino ang totoong tao sa iyong paligid.

Ika nga nila wag kang maniwal sa taong naka-ngiti malay mo siya pala ang ahas na sisira sa iyo.

Kaya naman wag na wag mong papalagpasin ang Juego de Peligro.

Nagsimula ng tumakbo ang dulaan noong Pebrero 20 hanggang Marso 08, 2015 sa Sentrong Pangkultura ng Pilipinas.

Para sa iba larawan ng Juego de Peligro tumungo lamang sa opisyal na fanpage ng AXLPPI.

0 comments :

Post a Comment