Friday, July 17, 2015

'Lamentacion et revolucion: Revisiting history in Tanghalang Pilipino's Mabining Mandirigma

“The revolution failed because it was badly directed, because its director gained his place not by meritorious, but by irresponsible actions; because instead of sustaining the most useful men for the country, he rendered them useless by jealousy.” - Apolinario Mabini



Ilan lang yan sa sinabi ni Apolinario Mabini sa kanyang aklat, sinu nga ba ang hindi nakakakilala sa kanya aking galing at para naman sa di nakakakilala sa kanya siya lamang ay kilalang "Dakilang Lumpo" o "Dakilang Paralitiko", ay isang Pilipino teoretista na nagsulat ng konstitusyon ng Unang Republika ng Pilipinas noong 1899-1901, at naglingkod bilang ang kauna-unahang punong ministro noong 1899.

Ano nga ba ang alam natin sa kanila,at ang nangyari sa kasaysayan? Naging matapat nga ba si Aguinaldo? Sina Paterno at mga Ilustrado?




Si Mabini rin ang opisyal na tagapayo ni Aguinaldo hinggil sa mga problema sa bayan at ng tinatag ni Aguinaldo ang unang republika inatasan niya si Mabini bilang kalihim panglabas at pangulo ng mga konseho. Sa panahong ito isinulat niya ang kanyang tanyag na akdang "Tunay na Dekalogo".

Kaya naman hindi na ako magtataka pa kung bakit ito ang naging unang pangbulaga ng Tanghalang Pilipino para sa kanilang 29th season dahil sa napakainteresante ng buhay ni Mabini.

Tara samahan mo akong bigyan ng 5 Reasons Why You Should Watch the "Mabining Mandirigma" of Tanghalang Pilipino. Sa pamamagitan ng musical na ito,mas mauunawaan natin kung ano at sino sa kalayaan natin ang isang apolinario mabini


1. Ang set design ay ginawa ng isang mahusay na sculptor at painter na si Toym Imao na talaga naman mapapahanga ka sa ganda at para ka din bumabalik sa nakaraan sa husay ng pagkakadetalye ng relo sa gitna.


2. Isa sa mga dapat mong abangan dito ang debate ni Aguinaldo at Mabini patungkol sa ginawang hakbang ni Aguinaldo sa pagpabor niya sa mga Illustrado na mas binigyan pansin kaysa sa ikakabuti ng lahat.


3. Ito ang una kung pagkakataon na mananood ang isang dula na dinirek ng isang mahusay na direktor na si Chris Millado, madaming nagsasabi na magaling at mahusay siyang humawak ng isang dula na talaga naman magbibigay ng ugnayan sa mga manonood at hindi nga sila nagkamali sapagkat nabigyan niya ng husto ang Mabining Mandirigma kahit saan ka tumingin sa entablado ay walang sapawan na nagaganap. 5 palakpak para kay Direk Chris.


4. Isa itong musical play kaya naman asahan mo na 85 persyento ng mapapanood mo dito ay puro kantahan, di ito ordinaryong kantahan sapagkat ang bawat lirikong bibitawan ng bawat karakter ay may dulot na kirot, saya, pighati at hinagpis na talaga naman iyong mararamdaman.

Narito ang ilan sa mga lirikong masasabi kung quotable quotes sa Mabining Mandirigma.
 
"Sa araw na ito aking inihayag, ang pamahalaang puspos ng pag-asa. Kaya hayaan ninyo ako na mag-alay ng isang brindis sa bagong Republika!!" - Emilio Aguinaldo

"Maglayag nawa sya nang maraming taon! Upang mabiyayaan ng gintong kalayaan ang mga susunod na henerasyon sa lahat ng sulok ng sangkapuluan!!!" - Emilio Aguinaldo

"Tama na! Husto na! Ihinto ang mga banta! Hindi ako bulag at lalong hindi manhid!!!!Panaho'y nagbabago, kailangan magbago. Hindi kataksilan ang umayon dito." - Heneral Emilio Aguinaldo

Sila ang mga senador at congressman 
Na bumuo ng systema ng Pork Barrel 
Na ginagamit upang magkamal
Ng limpak limpak na salapi
Mula sa kaban ng bayan


5. Isang mahabang palakpak para kay Delphine Buencamino bilang Apolinario Mabini, oo maraming nakapuna na parang nakulangan sila sa pag-arte ni Delphine sa entablado ngunit para sa akin isa siyang matatawag na tunay at professional pagdating sa trabaho sapagkat ipinamalas niya pa rin ang kanyang angking talento sa kabila ng mga dinaranas niyang pagsubok ngayon. Kampay Delphine! Kampay Mabini!



Much praise has been given to Rizal and other known historical figures. But for someone like Mabini who stood up for our independence and sovereignty despite the incapacity to stand on his feet.

Don't you think it's time to raise our hands higher for him and give credit to the (insert famous tag for Mabini na hindi ko matandaan kung sublime paralytic ba.)

Kaya naman kung ako sa iyo wag na wag mong papalagpasin ang "Mabining Mandirigma" ng Tanghalang Pilipino sapagkat hindi lamang ito sumasalalim sa ordinaryong kwento, isa itong kwentong saklaw ng iyong pagkatao, kung paano binago ni Mabini ang kasaysayan, isang kasaysayan nauulit muli dahil sa mga nangyayari sa gobyerno at sa henerasyon ngayon.

Meron pa kayong nalalabing araw para panoorin ito sa Sentrong Pangkultura ng Pilipinas ( sa ingles Cultural Center of the Philippines / CCP)  Tanghalang Aurelio Tolentino (Little Theater), July 17, 8pm : july 18, 3 and 8pm at july 19, 3pm,

So paano kita-kits na lamang tayo sa loob ng Sentrong Pangkultura ng Pilipinas para sa Mabining Mandirigma.

Para sa iba pang larawan maari lamang tumungo sa opisyal na fanpage ng AXLPowerhouse.


"Mahalin mo ang Pilipinas ng higit sa iyong sarili, pamana siya ni Bathala pag-asa ng iyong lahi, pagtanggol ang kalayaan, kakambal ng iyong kalayaan, palaunlarin mo ang bayan at kasama kang uunlad..... Mahalin mo ang Pilipinas ng higit sa iyong sarili......" - Mabining Mandirigma

0 comments :

Post a Comment