Thursday, December 8, 2016

Mangan Ta Na : Pelagio, A Mexican-Filipino Cuisine

Pelagio, A Mexican-Filipino Cuisine 
Sabi nga ng isang sikat na food app na ang south area katulad ng Las Pinas, Laguna, Tagaytay, Alabang at Batangas ay ang mga dapat mong pumunta kung gusto mong matikman ang masasarap na putahe o mas tamang sabihin na luma ngunit kakaiba sa iyong panlasa.

Kaya naman dahil isa ako sa mga laking south ay naku tuwang-tuwa ako sapagkat may bago na naman akong tatambayan lalo na nasa malapit na lugar lamang naman siya walang iba kundi sa bagong renovate na Festival Mall sa may riverside area pa, sakto kasi maganda tumambay lalo na pagsabit ng gabi dahil sa ganda ng lugar, (isa sa mga factor na dapat tandaan kung kakain ka sa isang lugar ang ambiance ng restaurant).


Anu nga ba itong sinasabi ko walang iba kundi ang Pelagio, A Mexican-Filipino Cuisine, isang bagong salta sa mundo ng Mexican-Pinoy food sa south pero kahit bago sila sa industry na ito masasabi kung may laban ang Pelagio, A Mexican-Filipino Cuisine dahil sa magkawig lang naman ang lasa ng Mexican food at Pinoy food. Maliban pa dito isa sa mga gusto ko sa kanila ay ang budget friendly na pagkain nila na naglalaro lamang sa Php 120 hanggang Php 250 at ang iba pa nito ay good for sharing, ika nga nila swakto sa bulsa lalo na sa magkakabarkada na alam naman natin lahat na ito ang gusto.


Dahil pagkain ang pinunta namin dito mararapat lamang na tikman natin ang ilan sa masasabi kung patok sa inyo at swak sa budget.

Fajitas | Php 215
Isa ito sa mga dapat mong matikman once na pumunta ka na sa Pelagio, ang Fatijas at Quesadilla sapagkat isa ito sa mga comfort food sa Mexico maliban pa dito ang Quesadilla ay tipikal street food nila. Bago ko makalimutan ang Fajitas ay good for sharing for 2 kaya naman pwedeng pwede sa barkada.

Quesadilla  | Php 185
Simula pa lang yan isa rin sa mga best seller ng Pelagio ang Alitas na ang ibig sabihin nito ay spicy chicken wings na may halong sweetness dahil sa condiments nito.

Alitas | Php 215
Ang Alitas ay good for sharing din pero kung im sure dahil Pinoy tayo kayang-kaya itong sa isang tao lamang pero kung kasama mo ang barkada at pamilya pwede-pwede hindi ba?

Grilled Liempo | Php 310
Sinu nga ba ang aayaw kung ang isa sa mga paborito ng pinoy ang nasa lamesa na, walang iba kundi ang Grilled Liempo, Hindi ko alam kung anung meron dito sa liempo ng Pelagio na naubos ko ito ng mabilisan. Marahil siguro dahil sa fresh na fresh ang pagkaluto nito liban pa dito maganda ang pagkakaluto nito at ang the best sa lahat good for sharing din. At kung magagawi ka naman ng inuman swak ang liempo na ito para sa iyo.

Watermelon Mint | Php 70
Syempre kailan kung may pambara kailangan mo din ng panulak para naman mas swabe ang pagkain mo ng masasarap hindi ba? Isa sa mga napili kung inumin ang watermelon mint. Kakaiba kung lasa niya para sa akin marahil dahil fresh at natural na watermelon ang ginamit na may kumbinasyon ng mint na nagpaswabe sa lalamunan ko.

Over-all masasabi kung isa itong hall in a wall na restaurant sa south at swak na swak sa barkada o pamilya lalo na kung pagod na pagod na kayong kakagala sa loob ng mall.

Para sa iba pang mga detalye pa tungkol sa  Pelagio, A Mexican-Filipino Cuisine maari lamang kayong tumungon sa kanilang opisyal na facebook account na www.facebook.com/PelagioRestoBar. Makikita mo ang Pelagio sa may bandang LGF Water Garden Expansion Wing, Festival Mall, Filinvest City, Alabang.


So anu pa ang hinihintay mo huwag mo lang tignan o basahin, tikman mo din at malaman mo kung worthy nga ba itong ishare sa iyong mga kaibigan!

0 comments :

Post a Comment